狼親王是誰?咪就係妹我的另一半。
如果我是女王,that makes him a 親王啦。
講起佢,外人睇佢係個好顧家,不煙不酒,又中意小朋友的純品好仔一名。
佢冇嗜好架!勉強要話有,咪係每日一定要睇超過一份報紙,假期睇下波,買少少馬仔,刨下武俠小說咁。木獨佬一名是也。
我相信世上有緣份呢樣野,所以命中注定呢條冇情趣嘅中年男,要娶一個"一人玩兩個人份量"的鬼馬女人回來,先可以用完他人生在世玩樂的quota.
呢個木獨男,有時唔知有心無意,會爆爛gag架!而黑色幽默嘅我,真係覺得好笑,因為此等gag位,乃高登術語中的"真心膠"(即真正的笨,不是裝岀來)。不過有時佢都幾戔鬼,有少少口材架。
所以我要寫一下,親王的金句及笑話系列。
其中一個。是發生在結婚後六年(留意這個時間)
一假日下午,我shopping歸家,買了一個女士電動脫毛器。我自生了小孩之後,想找一個效果持久的方法除體毛,往曰一星期剃一次太煩沒時間。
當我在房中將電動脫毛器充電時,親王好奇地望,於是我解說了這玩意及用途。
親王大感不惑,說:"你好地地,脫咩鬼毛呀!你都冇腳毛可以脫!"
我:"!!....係呀,你老婆天生冇毛架....我買黎玩下咋。"
與一個女人生活了六年,以為她天生麗質皮膚白滑冇毛...我受寵若驚。
狼王真可愛~狼女~好幸福~^^~
回覆刪除